Ky aktivitet menaxherial ben pjese ne grupin e Fillimit te Projektit. Ky grup aktivitetesh zhvillohet ne fillim per te na pergatitur per projektin.

Në këtë pikë, sponsori diskuton projektin me menaxherët e mundshëm të projektit dhe arrin një marrëveshje. Me rëndësi është që të emërohet një menaxher projekti që beson në objektivat dhe synimet e projektit.

Në rastin e projekteve të brendshme (ato pa klientë të jashtëm), menaxheri i projektit duhet të vijë nga bota e biznesit ose të jetë një person me aftësi të mira menaxheriale (pjesë organizatës) por jo persona me aftësi të mira teknike.

Këta persona që janë të aftësuar teknikisht janë kandidatë potencial për Team Leader (udheheqesit e grupit) në P3.express. Përveç realizimit të qëllimeve të projektit dhe përmbushjes së objektivave, menaxheri i projektit është gjithashtu përgjegjës për sigurinë dhe shëndetin e ekipit të projektit duke mundësuar kësisoj krijimin e një ambjenti të këndshëm pune, në të cilin anëtarët e ekipit mund të ngjisin shkallët e karrierës së tyre.

Qëllimi

Edhe pse është e mundur që ekipet e vogla të kenë një sistem të shpërndarë të menaxhimit të projektit, do të ishte më praktike dhe rezultative për shumicën e projekteve që të kenë koordinim të përqendruar dhe menaxheri i projektit të jetë udhëheqës ii këtij sistemi të përqendruar koordinimi. Në këtë mënyrë, aktivitetet menaxheriale nuk bëhen burim shpërqendrimi për team leader-at duke i dhënë mundësinë atyre të qëndrojnë të fokusuar në aktivitetet teknike të projektit.

Gabimet e zakonshme

Merrni parasysh pikat e meposhtme per te shmangur disa nga problematikat me te zakonshme ne kete fushe:

Menaxherët e projektit nuk duhet t’a konsiderojnë veten si “shefa“ të ekipit, por si mbështetës, kordinatorë dhe asistues në zgjidhjen e problematkave që hasen gjatë zbatimit të projektit.
Menaxherët dhe sponsorët e projekteve nuk duhet të jenë mikromenaxherë.
Është e zakonshme të emërosh Team Leader-in më të lartë si menaxher të projektit, gjë që nuk është një ide e mirë sepse menaxhimi i projektit është një pozicion kryesisht drejtues dhe jo teknik; pikërisht për këtë arsye duhet cakuar një person me aftësi dhe njohuri menaxheriale për të përmbushur këtë rol. Të bëhesh menaxher projekti nuk duhet konceptuar si një promovim për Team Leader, por si një ndryshim në karrierë.
Menaxherët e projektit nuk duhet të përfshihen në aspektet teknike të projektit sepse është shpërqendruese për ta, kur nderkohe këtë detyrë e merr përsipër një Team Leader.

Principet

Principet e meposhtme luajne nje rol te rendesishem ne kete aktivitet menaxherial:

Përkthyer nga: Eldisa Cirogu, Reina Qose, Ejon Dervishi, Genard Mata, Girda Brace